一條褲值多少錢？

一條褲值多少錢？行入街市雜貨舖，可能係三幾十蚊；一般傳統百貨公司，幾百到幾千；更可能係幾萬都得。但係可能可以值5億？我諗英女皇都未必有一條咁值錢既褲！

據我所知，一條咁值錢既褲就快响美國華盛頓出現。

呢條褲係屬於一個法官既。

原來，華盛頓入面有一間南韓移民開既洗衫舖，兩年前有一日有一位叫「Pearson」既官入左嗰間洗衫舖放低條褲俾佢地洗，兩日後法官黎攞番之時，舖頭搵唔翻出來，咁當然係以為唔見左啦，但係一個星期後唔知點解條褲又走翻出黎。當老闆想俾番官大人，不過官老爺唔肯收，仲指住舖頭張notice話 「保證滿意」，「即日取貨」("Satisfaction Guaranteed" and "Same Day Service")，而家唔滿意之餘仲未能即日交番俾佢，又唔肯陪錢，當然要告啦！

雖然後來老闆都賣佢怕不斷提d方案了結單野，但係官大人死都唔妥協，結果事件拖到今日，佢利用華盛頓當地保障顧客的法律，指舖頭違法應該判罰每日每次$1,500美元，因為有3個被告，有12次違反的事項，拖左1,200多日，計一計就係6千5百萬美金罰款，即係5億！

Pearson官呢種咁無良既做法已經引起各界人士既反响，因為佢做緊憲法法官，就快約滿，有團體要求唔好同佢再續約，甚至有要求要佢立刻辭官，同埋吊銷佢個律師牌。

好明顯，Pearson官既所作所為實是一種報復。要人成副身家都唔夠賠，仲要攪到自己「一褲都係」，怨怨相報何時了呢？

Source: AP