阿涂珍藏電話咭﹗

好多人都話涂謹申好悶，來來去去都淨係講保安、人權、法治、保安、人權、法治、保安....。不過，阿涂其實有好多其他議員都冇既嗜好。今次，我地就介紹佢其中一樣珍藏----電話咭﹗






阿涂對電話咭有幾瘋狂﹖睇下佢隨身有幾多咭就知﹗大家左手邊睇到哩幾張就係佢近排隨身帶住。









大家可以睇吓右邊張相，係咪好靚呢﹖講當然唔係阿涂隻手，而係張咭啦。根據阿涂所講，張咭係佢前兩年去日本時 掃到嘅既其中一張戰利品﹗

另外，隻手遮住鏡頭，咁其實阿涂就覺得張八達通唔靚，所以搵張靚咭遮住張八達通。咁，都算有創意，呵﹖





Telefonkarte﹖法國電話咭。　

(係呀，佢申最鐘意旅遊地點：法國﹗）

所以都有掃番多少咭番 ！








登登登櫈﹗！！阿涂特別推介喱兩張咭﹗上面嗰張就好靚，下面個張係梵高名畫（不過，阿涂唔記得幅畫嘅名；大家知道嘅話，可以留言話番畀佢聽）。

佢重收埋好多咭，好似有過千。

如果你都有珍藏嘅，攞出嚟睇睇得唔得？！




睇咗咁多，大家都應該好奇阿涂係邊到買咁多咭喇。咁除咗係旅行買落之外，其實好多都係香港買。不過，佢就點都唔肯講話係邊度買。因為，佢驚公開晒之後，會炒貴晒ｄ咭喎。
不過，我哋畀個提示大家：d 咭喺旺角好「潮」嘅商場買﹗佢話，佢個人咁「潮」，緊係得閒就會蒲番 d「潮」地方喇﹗

油站變公園﹖

涂謹申最近忙緊咩﹖其中一樣忙嘅，係攪緊聯合廣場對開嘅油站﹗

事緣，涂謹申嘅好拍檔林浩揚議員知道聯合廣場對開油站嘅租約即將屆滿，而油站附近嘅居民對埋商戶都希望油站可以搬去第二度，之後再將油站改變為公園，等居民有多個地方可以落腳，遊人行街行到腳仔軟都可以坐吓休息吓﹗所以，涂謹申、林浩揚同埋其他好拍檔而家就分頭努力，睇吓可唔可以如大家所願，太子區建立一個「城市綠州」﹗

阿涂帶你遊西九......海濱長廊

「西九」計劃推倒重來，預留的敞大土地可能會空置數年，政府計劃撥出九百萬改善西九海濱長廊設施，等市民喺嗰度未有新計劃之前，可以喺嗰度玩吓！







海濱長廊開放時間﹕早上6點至晚上11點。

涂謹申係6月19日約咗土木工程署與及康文署等部門官員到海濱長廊實地視察，了解如何增加設施。涂謹申亦襯機會帶大家遊覽吓西九.......海濱長廊﹗










要去海濱長廊，可以乘搭途徑西隧的巴士（如隧巴905及914號)，之後於隧道口下車，再按指示部行約１５分鐘就可到達長廊

到達長廊最出入口，緊係要影番幅靚仔相留念喇 (點解唔見阿涂﹖佢走咗去邊﹗)

沿行人路步行，可見到西隧通風口；這個建築物暫時是西九「地標」之一，由中環亦可看見此「地標」 過咗入口，直望中環就在眼前喇﹗

康文署及土木工程署沿住長廊用燈廂作點綴，燈廂內掛咗d風鈴，表面畫有不同派系畫作，由中國水墨畫到西洋畫都包羅萬有。

抽像派油畫呀﹗阿涂話喱幅畫好靚喎﹗你點睇？

海濱長廊嘅行人路主要用碼頭木板建成。土木工程署 d 人話，喱 d 材料平，拆咗後又可循環再用，夠環保。 長廊中段有個大地方可供人活動；坐係地下上面，亦都可以慢






慢欣賞維港風景。 遊咗咁耐，涂謹申喺邊﹖原來佢喺度畫緊自己嘅手印同埋玩簽名----- 長廊設有塗鴉區，遊人可以喺地板上簽名塗鴉作紀念。
















涂謹申隻手印同埋簽名呀﹗如果有朋友去到長廊，可以搵搵佢既手印。搵到手印，可以影低佢，之後寄番畀我。送份神秘獎品畀你﹗名額只有一個，先到先得﹗哈！哈！

玩完簽名，同政府官員傾完計劃之後，睇吓個維港先，真係好靚呀，得閒都要擔張導演椅，扲本書嚟慢慢嘆吓先喎﹗

嘩！隻船近到伸手差 d 都摸到！ 阿涂話，喱度日夜都有咁靚嘅海景，咁舒服嘅環境，係應該屬於香港市民嘅 ，無論將來喺度起乜，都應該留番 d 咁靓嘅嘢畀市民大眾。






係當日，涂謹申特別希望康文署及其他機構能夠合作，盡可能於假日安排接駁車或其他交通工具接載市民到海濱長廊，讓大家都可以享用有關設施﹗