Halloween

Halloween 玩到顛！
阿涂話喱個小朋友好可愛呀！幾有 feel！

太極新丁

油尖旺太極匯演喺旺角會堂舉行，阿涂是頒贈紀念品嘉賓，臨時畀司儀拉出嚟叫師傅教佢兩招，結果佢嘅蝦碌動作引起哄堂大笑。

香港司法管轄權

有關陸羽茶室林漢烈槍殺案，阿涂認為根據所披露的資料；事發在香港、所有案件的主要證物在香港、案件主體在香港發生，為什麼案件不是由本港法院審理？以往內地審理的張子強案及德福五屍案，均引起本港輿論強烈質疑。

假如香港警方曾要求公安把港人疑犯移交本港受審被拒的話，當局有責任向中央更高層提出要求，以維護保障香港香港的司法管轄權。

香港與中國是一個國家，因此不會有引渡條例，以往都是用行政安排接收疑犯。過往港人在香港犯事潛逃內地被捕，內地會將疑犯交回港府，但今次又一次無按慣例做。

阿涂表示長遠來說，港府與內地應訂立「安排罪犯移送協意」。

找尋新主人

這是一隻迷你牧羊犬，叫阿 WU，男仔8個月大。
原是我們一位義工的朋友飼養的，但與女友分手
後連狗狗也不理了，我們想為阿 WU找個有愛心
的主人，讓牠開心地生活，不用再寄人籬下。

2006年10月27日 阿 WU已找到一位十分愛惜狗狗的新主人喇！

一年會買幾多次花？

我哋印咗8萬份工作報告，喱輪周圍派。

派派吓佢就行咗入花墟睇花， 我哋問佢係一年有無買兩次花送畀老婆？


想死咩買兩次咁少，買幾多次？唔話畀你聽，費事你八卦。

濕地公園......賣票程序好唔掂喎！！

協群社會服務中心攪咗個濕地公園旅行，我哋辦事處都有參加，掂知原來一早Book咗團體飛都無用，無預早取票服務，係要去到門口先排隊買飛，10點開門，重要9點半至開買，成間官府咁款，結果當日有十幾個旅行團成千幾二千人排係門口等，攪到 D 人鬼咁燥。

最攪嘢就係買咗幾百張飛重唔準行開，要係售票處唔夠一尺闊嘅櫃台前數清楚至準行，否則唔負責喎。佢哋咁樣買飛已經係唔負責啦！乜重有責要負咩！

重有更不知所謂嘅係無團體入口，逐個逐個係入閘機入，團體加散客夾埋幾千人，8個入閘口只係開5個，結果差唔多11點 D 人至散得晒。
政府用咁多錢攪個濕地公園，旅遊發展局又重點推介。
呀！重有！佢嘅停車場只準兩部旅遊巴停車上落客，你諗吓就知有幾混亂。真係好唔掂呀，鬧到唔停得口呀！要諗諗佢至得！！

是罕有的蝴蝶青蜓
可能當日太多人入場，雀鳥都畀人嚇走晒，喱隻係我哋見到唯一一隻白鷺。
哈！鬧就鬧完喇，我又唔可以話佢乜都唔掂嘅， ！喱度就係喺展覽館內濕地生態處境，你睇幾 有原始森林 feel。

展覽館內展出嘅蒼蠅標本

極地嘅候鳥同埋生物
嘅遷徒過程路線

口水佬本色

上午去完濕地公園，幾百個街坊就喺嶺南大學食飯，協群中心就請咗阿涂嚟抽獎。

佢真係不離口水佬本色，抽完獎之後揸住個咪，猛度講 D 佢接過嘅千奇百怪嘅 Case，D 街坊又畀面喎，聽到津津有味，不過唔知係個 Case吸引；定係佢講得動聽喇，總之佢就攪嘢啦！